Jets Vacuum er einaste norske produsent av vakuumavløpssystem for skip. Bedrifta produserer også vakuumtoalett. Dette er miljø- og ressursvennlege toalett som reduserer vassforbruk og avfallsmengd med opp til 90%.

Hovudprodukta er utvikla lokalt og sikra ved internasjonale patent. Marknadsorganisasjonen omfattar ca 25 agentar over heile verda. Verksemda har eiga avdeling i Korea. Frankrike, Italia, Tyskland og Korea er dei største mark­nadene. Jets Vacuum er etter kvart blitt ein stor leverandør også til cruiseflåten, og dei har m.a. levert avløpssystem til alle dei 6 siste hurtigruteskipa som er bygde.

Verksemda har òg utvikla spesialløysingar eigna for yachtar og lystbåtar. Bedrifta har dei siste åra utvikla og patentsøkt ein metode for å redusere støy ved spyling av vakuumtoalett, og utvikla nye patentsøkte løysingar for toalettøming og spyling. Ei luftdriven ventilstyring, VPC-controller, står sentralt i det nye konseptet.

Godt industrimiljø og gode samarbeidstilhøve i regionen vår har hatt mykje å seie for den positive utviklinga av bedrifta.

Kontaktinfo:
Postb. 14
6060 Hareid

E-mail: post@jets.no
Tlf.: 70 03 91 00